Sullivinnik Nakkutilliisoqarfik
Kalaallit Nunaanni sullivinni avatangiisit danskit naalagaaffiata oqaasissaqarfigaa, Sullivinnik Nakkutilliisoqarfik sullivinni avatangiisinik tunngasunut oqartussaavoq.
Lovbekendtgørelse nr.1048 af 25. oktober 2005-meersoq tunngavigalugu Kalaallit Nunaat nammineq sullivinni avatangiisinut inatsiseqarpoq. Sullivinni avatangiisinut inatsit nunami sulinermut, killeqartumillu timmisartuussinermut, imarsiornermut aamma aalisarnermut tunngavoq.
Sullivinnik nakkutilliisoqarfiup siunertaraa Kalaallit Nunaanni toqqissisimasumik peqqinnartumillu sullivinni avatangiiseqarnissamut peqataanissaq, makkunannga iliuuseqarnikkut:
- Suliffeqarfinnik pimoorussilluni nakkutilliineq
- Anguniagaqarluni iluarsiinerit
- Paasissutissiineq
Kalaallit Nunaanni Suliffigissaaneq pillugu siunnersuisoqatigiit
Kalaallit Nunaanni Suliffigissaaneq pillugu siunnersuisoqatigiit siunertaraat sullivinni pissutsit isumannaatsuunissaannik peqqinnartuunissaannillu ilisimalluagassanik siammarterineq aammalu suliffeqarnermi illuatungeriit anguniakkamut sunniuteqaqataanissaat. 2011-mi taaguut ”Suliffigissaasut” allanngorpoq ima ”Suliffigissaaneq pillugu siunnersuisoqatigiit”, taaguut ataatsimiititaliap atuuffiinut qallunaatullu taaguutaanut nassuiaasunngortillugu.
Sullivimmi pissutsit pillugit ilinniartitaaneq
Sullivimmi pissutsit pillugit ilinniartitaanerit Sullivinnik Nakkutilliisoqarfimmit aaqqissuunneqartarput, ilinniartitaaneq pineqartoq Inatsisitigut piumasaqaatigineqarpoq. Sullivimmi pissutsit pillugit ilinniarnermut 37 tiimit atorneqartarput.
Suliffeqarfinnut qulinik sinnerlugilluunniit sulisulinnut sillimaniarnermut sinniisoqarnissaa piumasaqaataavoq, sinniisut Sullivimmi pissutsit pillugit ilinniarsimasuusussaapput. Sulliviit sulisullit, tassani sulisut amerlassusaat apeqqutaatinnagu, naliliinissaat januar 2009 aallarnerfigalugu piumasaqaataalerpoq, Sullivinni pissutsit pillugit ilinniartitaanermi naliliinissamut sakkussanik pissarsisoqartarpoq.
Takussutissiaq 1. Sulinermi avatangiisit pillugit pikkorissartitsinerit ingerlanneqarsimasut
|
|
2001 |
2002 |
2003 |
2004 |
2005 |
2006 |
2007 |
2008 |
2009 |
2010 |
2011 |
|
Pikkorissartitsinerit katillugit |
16 |
18 |
15 |
20 |
18 |
17 |
18 |
19 |
16 |
16 |
15 |
|
Pikkorissartitsinerit kalaallisut ingerlanneqartut |
10 |
10 |
9 |
12 |
11 |
9 |
7 |
7 |
8 |
8 |
9 |
|
Pikkorissartitsinerit qallunaatut ingerlanneqartut |
6 |
8 |
6 |
8 |
7 |
8 |
11 |
12 |
8 |
8 |
6 |
|
Pikkorissartut katillugit |
220 |
272 |
195 |
314 |
259 |
270 |
246 |
301 |
262 |
246 |
255 |
|
Pikkorissartitsinerit kalaallisut ingerlanneqartut |
152 |
150 |
123 |
206 |
166 |
154 |
109 |
198 |
144 |
123 |
153 |
|
Pikkorissartitsinerit qallunaatut ingerlanneqartut |
68 |
122 |
72 |
108 |
93 |
116 |
137 |
103 |
118 |
123 |
102 |
Najoqqutaq: Sullivinnik Nakkutilliisoqarfik
Sulitilluni ajutoornerit
Sullivinnik Nakkutilliisoqarfimmut taamaallaat nunami ajoqusernerit nalunaarutigineqartussaapput. Imarsiornermi, aalisarnermi, silaannakkut angallassinermi qillerinernilu ajoqusertoqartillugu Sullivinnik Nakkutilliisoqarfimmut pineqartut nalunaartussaatitaanngillat.
Sulitilluni ajoquserneq pillugu malittarisassat Arbejdsministeriets bekendtgørelse nr. 401 af 24. juni 1986-imeersumi takuneqarsinnaapput. Sulitilluni ajutoornerit sulisillunilu elektroniskimik tunngaveqartumik ajoqusersimanermik nalunaarutiginninnissaq 2009-p aallartinneraniilli periarfissanngorpoq nittartagaq www.anmeld.gl aqqutigalugu.
Takussutissiaq 2. Kalaallit Sullivinnik Nakkutilliisoqarfimmut sulilluni ajutoornerit nalunaarutigineqartut ajuqusernerup suuneranut agguataarlugit
Najoqqutaq: Sullivinnik Nakkutilliisoqarfik
Nittartakkat takuneqarsinnaasut:
paasisaqarnerorusukkuit nittartagaq una takuuk: www.at.gl
Sulisilluni Ajoqusersinnaanermut Isumaannaariffik pillugu Sullissivik nittartakkani ukunani sukumiinerusumik takuuk: www.nanoq.gl